Urtero moduan joan den astelehenean, maiatzaren 13an, Fleming
Herri eskolako EA21eko ordezkariek, Zubi-Musu eta Erniobeakoekin batera
udaletxera joan ginen. Aurten LURZORUA gaia landu dugunez, urtean zehar eginiko
lanketari bukaera emateko, alkatesari proposamen batzuk egin genizkion. Orain
proposamen guzti hauek aztertu ondoren, ahalik eta azkarren erantzuna bidaliko digula
esan digu eta, saiatuko direla gure proposamenak betetzen.
2015. urtea Nazio Batuek “Lurzoruaren Nazioarteko Urtea” izendatu zuten, munduan lurzoruak arriskuan daudelako, arrazoi ezberdinengatik: herri eta hirien hedapena, deforestazioa, lurraren erabilera eutsiezina eta erabilera desegokia, gehiegizko larratzea eta klima-aldaketagatik. Lurzoruen degradazioaren oraingo erritmoak mehatxupean jartzen du etorkizuneko belaunaldien beharrak asetzeko ahalmena.
Lurzoruen eta lurren kudeaketa jasangarria bultzatzea funtsezkoa da elikadura-sistema produktiboa, landa-bizimodu hobeak eta ingurumen osasungarria lortzeko.
Hau guzti hau dela eta, 2018-19 ikasturtean Tolosaldea eskualdean Eskola Agenda 21 proiektuaren barnean “Lurzorua” gaia landuko dute ikastetxeetan.
Helburuak
Proiektu honen helburu orokorra izango da, lurzoruaren ezaugarriak, izaki bizidunak eta arazoak ikertu eta ezagutu, baita lurzoru motak eta beren erabilerak ere eta ikastetxean eta udalerriko lurzoruaren egoera aztertu ondoren, arazoak konpondu edo ez gertatzeko zein ekintza egin daitezken proposatu.
Bizikleten eta mugikortasun jasangarriaren bigarren eskuko azoka egingo da Villabonako Berdura plazan. Horrez gain, bizikletak konpontzeko tailerra izango da Zizurkilen goizeko 09:00etan.
